Ali Umerov

Bediiy baqır işçiligi, resim

1976 senesi Dünyağa keldi. Qırımda Bağçasaray şeherinde yaşay.

 Sinilerden başlap süslemelerge qadar Ali-usta byük avesliknen baqır madeninden eşyalar yapa. Baqırcılıqnıñ eski ananeviy işçiligini, yani baqır külçesiniñ dögülmesinen baqır eşyalarınıñ yapıluvını, usta özü ögrengen edi. Bugün o bu usulda çalışmağa devam ete. Eski baqır eşyalarnıñ aynılarını tekrardan yaratmaq onıñ içün buyuk şereftir. Bundan ğayrı, o özü uydurğan eserlerni de meydanğa ketire.

Mahsulatını kerekli şekilge ketirmek içün Ali-usta maden dögmeciligini qullana. Eşyalarnıñ yüzlerini ise örneklerge süslemek içün oymacılıq usulında çalışa. Bundan ğayrı, Ali-usta baqır eşyalarını kümüş rengine boyamaq içün, sanki dersiñ masal sırlarını qullanıp, qalay işçiligini de qolaylıqnen yapa.

Ali-usta, oda donatımınıñ süslemesi ola bilecek, örnekli pannolarnı da resim etmege seve.

O «Çatır Dağ» icadiy birleşmesiniñ azası ola