Rebiya Bokova

Nağış

1954 senesi dünyağa keldi. Qırımda, Bağçasaray şeherinde yaşay.

Hanım-usta mıhlama nağış usulınıñ tarqatıcı ve ocası Zarema Mustafayevanıñ talebesi ola. Rebiya-usta altın yip nağışçılığınıñ adet-qaidelerine riayet etip, işlerinde, aynı zamanda, yañı uslüplarnı qullanıp, ustalıqnen an-anelerni devam ete. Havesliknen çiçek asravcılığınen oğraşqan ve rengârenk çiçeklerniñ tüslerinden ilhamlanğan Rebiya-usta, adet üzre tek renkli olğan mıhlama nağışına cesürce türlü renk ve şekiller qoşa. Tam simmetriyası eksik olğan, amma gür sesli ve «canlı» işlerniñ örnekleri ev donatmasını ğayet özgün,  güzel ve eyi manalarğa bezete