Zarema Mustafayeva
Nağış, resim
1963 senesi dünyağa keldi. Qırımda Bağçasaray şeherinde yaşay.
Aytuvlı nağışçı-usta Zarema hanım qırımtatar milliy ve ananeviy mıhlama nağışınıñ yayılmasına sebepçi olğan nağışçılardan biridir. Qırımda onıñ 100-den siyaze talebesi bar.
1990-nıncı seneleri «Marama» adlı icadiy birleşmeniñ tesisçisi Ayşe-usta Osmanovadan mıhlama usulında nağışlamağa ögrengen Zarema-usta, ket-kete ustalığını arttırıp, qırımtatar ananeviy eşyalarınıñ nağış ve tikişlerini ğayrıdan tiklemege başlap devam etti. Bugün Bağaçasaray Hansarayınıñ ekspozitsiyalarında Zarema ustanıñ elinden çıqqan eski nağış eserleriniñ kopiya işleri sergilene.
Adı dünyağa belli olğan qırımtatar nağış ustası Elvira hanım Osmanavadan tatar işleme nağışını, yani eki taraflı nağış işçiligini elde etti.
«Evciyar» adlı icadiy birleşmeniñ tesisçisidir ve «Marama» adlı birleşmeniñ azasıdır.
Hanım-ustanıñ elinden çıqqan eserleriniñ sayısı büyük, aralarında Quran qapları, el qapaqları ve fesler, kiseler, süs pannoları ve türlü şekilde yastıq üstlükleri bar.
O «Çatır Dağ» icadiy birleşmesiniñ azası ola
El qapaqları. Örnekniñ adı «Kelin». Qadife, sırma, pul, moncaq. Nağış: mıhlama, moncaq ve pul işi.
Fes. Örnekniñ adı «Kelin». Qadife, sırma, pul, moncaq. Nağış: mıhlama, moncaq ve pul işi.
Dekorativ panno. Qadife, sırma, ipek yipi, pul. Nağış: mıhlama, pul işi.
Quran qabı. Qadife, sırma, moncaq. Nağış: mıhlama, moncaq işi.
Quran qabı. Qadife, sırma, pul, moncaq. Nağış: mıhlama, pul ve moncaq işi.
Quran qabı. Örnekniñ adı «Gül». Qadife, sırma, pul, moncaq. Nağış: mıhlama, qasnaq, moncaq ve pul işi.
Quran qabı. Qadife, sırma, pul, moncaq. Nağış: mıhlama, pul ve moncaq işi.
Quran qabı. Qadife, sırma, pul, moncaq. Nağış: mıhlama, pul ve moncaq işi.
«Toy» adlı panno. Kâğıt, akril boya.