Niyara Memetova
Bediiy kiyiz, resim
1969 senesi dünyağa keldi. Qırımda, Aqmescit rayonınıñ Eski Orda köyünde yaşay.
Farqlı usullarda yasalğan Niyara-ustanıñ bediiy eserleri köz qamaştıra. Kiyiz işçiliginde o bir qaç usulnı birleştirip qullanmağa seve, yañı tehnikalarnı deñey, türlü fakturalarnı yarata, nağış işley, el trikotajını ve aplikatsiyalarını meydanğa ketire. Usta bazı çalışmalarında nağış ve toquma işçiligini qullanmasa da, bu sanatlarnıñ cazibeligini aks etmege fevqulâde becere.
Qil, yani çamur bir çölmekçi içün nasıl bir malzeme ise, aynı şekilde Niyara-usta içün de kiyiz ola: göñül terenliklerinde peyda olğan fikirleriniñ kerçekleşmesi içün, kiyiz oña bir yoldır, yansımadır, göñül ferahlığıdır. Hanım-ustanıñ icadına yañı tehnologiyalar bol imkânlar bere ve o tecribesini, bilgilerini arttıra, qırımtatar milliy örnegi ise icadı içün zemin ola ve halqınıñ adetlerinen bağlay.
«Çatır Dağ» icadiy birleşmesiniñ azası ola
niyara.memetova@gmail.com
«Sayde» adlı yelek. Yün, viskoza yipi. Islatmalı kiyiz işçiligi, bükme nağışı.
«Bahıtlı qoranta» adlı çaynik üstlügi. Yün, viskoza yipi, saf boya maddeleri. Islatmalı kiyiz işçiligi, ineleme aplikatsiyası, bükme nağışı.
«Qırım» süs yastığı. Yün, viskoza, akril yip. Islatmalı kiyiz işçiligi, kiyiz üstünde yip resimlemesi.
«Efsane» adlı közlük qabı. Yün, akril yip. Islatmalı kiyiz işçiligi, ineleme aplikatsiyası, nağış.
«İlham» adlı közlük qabı. Yün, akril yip. Islatmalı kiyiz işçiligi, ineleme aplikatsiyası, nağış.
«Miras» adlı qadın çantası. Yün, ipek,viskoza, keten, qıcıtqan ve pamuq iplikleri. İpekli aplikatsiyanıñ laminatsiyası, ıIslatmalı kiyiz işçiligi.
«Altın beşik» adlı dekorativ panno. Yün, sunniy boya maddeleri. Islatmalı ve quru kiyiz işçiligi, ineleme aplikatsiyası.
«Bahar ezgileri» örnekli panno. Yün, saf ipek, akril yip. Islatmalı kiyiz işçiligi, kiyiz üstünde yip resimlemesi.
«Qoranta duası» adlı dekorativ panno. Kâğıt, akril boya.
«Altın beşik» adlı dekorativ panno. Yün, sunniy boya maddeleri. Islatmalı ve quru kiyiz işçiligi, ineleme aplikatsiyası.
«Qırım qorantası» adlı közlük qabı. Yün, akril yip. Islatmalı kiyiz işçiligi, ineleme aplikatsiyası, nağış.