Emin Taymazov
Ağaç eşya imalâtı, bediiy ağaç işçiligi, resim
Ağaç eşya imalâtı, bediiy ağaç işçiligi, resim.
1976 senesi dünyağa keldi. Qırımda, Bağçasaray rayonınıñ Han Eli köyünde yaşay.
Ağaç işçiliginiñ farqlı usullarında çalışqan Emin-usta esesrleriniñ şekil ve donatmasına büyük diqqat ayıra. Ananeviy oymacılıq, qaqma işçililgi kibi ağaç donatımı usullarınen birlikte o, özüne has usulda, yani resimleme-boyalamanı oymacılıqnen birleşitirip, çalışmağa devam ete. Tabiiy, yani saf mahsulatlardan ğayrı, zemaneviy, sunniy polimerlenen de qullana.
İcadında milliy örnekler ustağa ilham bere ve o, bu örnek sistemasınıñ esasında, örnekli kompozitsiyalarnı meydanğa ketire.
Qırımtatar ağaç ustalığını devam etmege tırışqan Emin-usta ceviz tereginiñ ağaçından eşyalar yasay. Eşya yapıluvına başlamadan evel, adet üzre, ağaçnıñ kerekli qıvamğa kelmesini baklegen usta ağaç malzemesini özü hazırlay. Bu esna bir qaç yılğa uzay bile ve, elbette ki, hiç te qolay iş degil.
Usta «Çatır Dağ» icadiy birleşmesiniñ azasıdır
«Mujde» adlı örnekli panno. Kâğıt, akril boya.
«Qırım ailesi» adlı örnekli panno. Kâğıt, akril boya.
Raf. Örnekli kompozitsiya: «Gürlengen sülâle». Bik. Renk qoyulaştırma, resimleme-boyalama, kenarlama oymacılığı.
Mesnetli sini. Ceviz,qızılağaç. Renk qoyulaştırma, resimleme-boyalama, kenarlama oymacılığı
Mesnetli sini. Örnekli kompozitsiya: «Qorantanıñ inkişafı». Ceviz, qızılağaç. Renk qoyulaştırma, resimleme-boyalama, kenarlama oymacılığı.
«Ömür baharleri» adlı qona. Qayısı, ceviz, bik. Renk qoyulaştırma, resimleme-boyalama, kenarlama oymacılığı.
Musafir qonası. Örnekli kompozitsiya: «Qorantanıñ inkişafı». Ceviz, qayısı, meşe. Renk qoyulaştırma, resimleme-boyalama, kenarlama oymacılığı.
«Bahıtlı qoranta» adlı qona. Ceviz. Qaqma işçiligi.
Rahle. Ceviz. Renk qoyulaştırma, kenarlama oymacılığı.
Musafir qonası. Örnekli kompozitsiya: «Ahenkli ömür». Ceviz, meşe, bik. Öymacılıq, renk qoyulaştırması, kenarlama oymacılığı.