Yuliya Tulupova
Nağış, aplikatsiya, sır qaplama işçiligi, resim
1986 senesi dünyağa keldi. Qırımda, Bağçasaray şeherinde yaşay.
Qırımtatar süsleme (dekorativ) sanatınıñ türlü yönelişlerinen meraqlanğan hanım-usta çalışmalarına cesürce yañılıqlar kirsetkeni kibi, aynı zamanda da, ananelerimizni qoruğan insandır. Onıñ işleri arasında qaplama (nağışlı aplikatsiya) usulında işlengen zemane ve büyük ölçüli süs pannoları bar. Qırımtatar örneginiñ remizlerini böyle tarzda qullanğan ustalardan o birinci edi. Hem tikiş maşnada eki taraflama nağışınıñ emmitatsiyasını, hem de kergefte öz elinen tatar işleme usulında süs yüzbezlerini, milliy qırımtatar qadın-qızlarnıñ örtülerini, şoper çantalarınıñ yüzlerini, mıhlama nağış usulında qırımtatar milliy kiymine ait olğan fes ve el qapaqlarını ğayet ustalıqnen işley. Bunuñnen birlikte, örnekli dekorativ grafika pannolarını yarata, ayrıca, sır qaplama işçiligini menimsegen hanım-usta çini savutlarını ve emal boyamalı tabaqlarnı örnek remizlerinen süsley.
Yuliya-usta «Çatır Dağ» icadiy birleşmesiniñ azası ola
«Lâle» adlı süs pannosı. Cıns, pamuq, akril, keten.
«Nar» adlı süs tabağı. Terakota, mine (emal). Kil aqızması, oymacılıq, sır qaplama işçiligi.
Şerbenti. Altın yip, yipek, muline. Tatar işleme.
«Qaranfil» adlı süs tabağı. Terakota, mine (emal). Kil aqızması, oymacılıq, sır qaplama işçiligi.
Fes ve kise. Qadife, altın yip, sırma, pul. Mıhlama.
«Evim» adlı süs pannosı. Keten, pamuq, akril. Qaplama, qasnaq.
«Yağmur» adlı süs pannosı. Keten, pamuq, akril, dögmeler. Qaplama, qasnaq.
Şerbenti. Altın yip, yipek, muline. Tatar işleme.
Marama. Pamuq, altın yip, yipe. Tatar işleme.
Fes ve el qapaqları. Qadife, altın yip, pul, sırma. Mıhlama.
Qadın şarfı. Ştapel, viskoza. Maşna nağışı.
Marama. Madapolam, viskoza, altın yip. Maşna nağışı.
«Nar» adlı süs pannosı. Pamuq, akril, keten. Qaplama, qasnaq.